December 3rd, 2015

Александр Македонский, путешествие в иномирье.Лицевой Летописный Свод Иоанна Грозного.3 часть.

                                                                  читать  сначала - http://gilliotinus.livejournal.com/85994.html
                                                    Вот ссылка на словарь (скачать) - http://www.sterligoff.ru/books/azbuka.pdf


                                                                                      О ПРОПАСТИ

  Друзии же гласи исхождаше ис пропасти глубоки, и народу зело въпиющим же, от страха же ужасышеся, окаменихом и мышляхом ся
обратити, не почающе живота собе.Зверие бо разноличнии являхуся нам, брашну же не сущу, но лозие ядохом и древа ломающе,
их же бяше сладость слажьши меду.И оттоле же хотяхом взъвратитися.Александр же веляше поити надесно, абие видети хотя конець
земли.И прошедше страшная места, узрехом лес пуст многоплоден.



[НАЖМИТЕ. ЧТОБЫ ЧИТАТЬ ДАЛЕЕ..]                                                                           О МЕДЯНОЙ ЗЕМЛИ

И пришедшем нам многыми деньми, обретохом землю медяну.И бяше глас слышати под землею, глаголющих же не видяхом.Тожде видев,
Александр убояся, мняше бо ту ся есть ему скончати по проречению Антифонову, еже рече, яко скончатися Александру на железнии земли,
а под костяным небом.И повеле дружине пытати земли, они же, испытавше, обретоша медь без железа.Александр же, имя душю крепльшю
железа, и гремяше глас от копыт коневых по земли тьи, аки гром мняшеся.И шедше долго, обретохом горы от земля до небесе и быхом в
велице недомышлении.Здне путь нашь съкратися.



                                                                                             О МОРИ

И оттоле убо пошедше по пустыни и приидохом на море, к ому невидяще ничтоже: ни птица, ни звери, но токмо небо и землю.Солнца же уже не
видехом, но токмо воздух почернел до десятаго же дни.Приидохом не в кое место поморья и шатры наша, и полкы наша поставихом.

                                                                                       О ОСТРОВЕ

Влезши же в лодья. и пакы преидохом на некой остров поморскый, недалече суще земля, в нем же слышахом речь человеческую,
еллинскым языком глаголющих же не бе видети.Неции же от воин, искочившя от лодей, преидошя во остров, и абие излезши коркодели
и въвлекоша я в реку, страшнии зверие и люте вельми.Мы же, то увидесшие, убояхомся, ркуще: "Егда како погубят на, всех нам."
И борзо уринувшись от острова того, возвратихомся на землю..



                                                            О СТРАНЕ, ИДЕЖЕ СОЛНЦЕ НЕ СЕЯЕТ

И пакы оттоле пришедшие, приидохом за два дни в страну, идеже солнце не сияет, ту бо есть земля блажьных.И видехом ту врата темна
и путь под землю.и, хотящу ми видети и испытати места та, начах поимати со своими рабы и полести в пещеру темну.Калисфкен же, мой друг,
свещастася со мною, да иду с 40-ми дружинами, и с 100-м отрок, и с воины тысущею и с двема сты муж, а прочая воя ту оставити.Не имущаго
же ми вожда, могущаго тамо вести путем тем темным, начах о том немало пещися.

                                                                                                  О ОСЛИЦАХ

Внезапу же устретохом по пути ходяща ослица дикия с жребяты в стаде,имуща жребца, обуяты воинскым полком.И повелехвоем, отгнавше,
изымати я и привести я к нам.И по совету старенших вниидохом в пещеру ту на ослицах, а жребята извязавше вне двери и, да глас их
услышавше, ослица выидуть на свет.

                                                                                     


                                                                                         О ЖИВОЙ ВОДЕ

И тако внидохом в путь темный стадеи 15 и видехом некое  место и бе на нем источник светел, егоже вода блещашеся, якоже молниа.Абие же
възалкахся и всъхотех приняти хлеб, и призвав повара, рех ему: "Приготови ми вологу" Он же приим икру рыбную, иде к светому источнику омыти
в реце икру.Икра же, бо намокши в воде, и абие оживе, и бысть рыбами, и избежаша рыбы из руку повара.Бе же та земля вся водна.

                                                                                                          О ПОВАРИ

Повар же, испив отаи воды тьи и пришед къ мне, бывшаго ми не поведа.

                                                                                          О ПТИЦАХ НЕЗНАЕМЫХ

Оттоле же паки отшедше, приидохом вдале в пропасти тьи, и идохом стадеи 30 , к тому и поидохом, видевше зарю без солнца, и без луны,
и без звезд.И ради бывше, и взърехом в заре  тьи и видехом две птицы летяща, имуща обличье человечье, главе человечестеи.Едина же птица
еллинскым языком свыше възва: "Александре, почто ходиши по земля единаго Бога? Взъвратися оканне, на места бо блаженных не можети
въступати.Взвъратися убо, человеце, и по вдании тобе земли ходи и труда собе не твори" Трепетен же быв, добре нача слушати гласа, даннаго
ми от птица.Другыи же птиць паки такожде провъзвести еллинским языком: "Александре царю, молит ти ся, рече, всъточная странаи Порово
царство, победою покорит ти ся." И сиа рекши, и абие птищь взлете.Аз же умилися и бояхся, и сице възвратихся наспят, дръжаща ослица,
вожда наша, и предзряще паки на кола звездная.




                                                                                       О ДРАГОМ КАМЕНИИ
Паки идохом въ тме и одва идяху кони наши.Бяше в земли тьи грествии и камение малое, имаху дружина о мало, ово много камениа того, и
глаголахут ми: "Александре, что се будет?" Аз же глаголаху: "Сего есть аще и много вземше или мало, послед каятися" И тако ходяще 20-ю днии
и двема и межю чма днии изидохом противу гласу жребятину на свет и матери их.Мнози же от воин взяли бяху камениа того и, не ведуще, тягости
ради пометаша, и друзии мало, и легкости ради вынесше на свет, обретоша камень драгии, конждо еже обрет.И пришедшим къ свету нам,
обретшеи злато чисто вземше, и почаша обои каятися.

                                                                                        О ПОВАРОВЕ МУЦЕ

Тогда же и повар исповеда, како оживе икра.Аз же разгневався, мучих его. идя путемискусих, аще умрет. и оковав, ввергох его в море,
и пребысть жив.Аз же оставив его.





                                                                                   О СТОЛПЕ И О КОМАРЕХ

И поим воя. поидохом опять, ища пути земля Индийския.И пришед близ темных в место красно и, познав путь свои, куда бяше ходил,
тамо поставих ту столп и комару. и повелех написати на столпе том сице: "И поставил есть столп сии и комару царь Алексадр Макидоньскии,
идя от Халкидона, победив персы и воевав до сего места.А се наречеся тма.да иже хощет место се минути, да лево да идет, всябо воды мира
сего от левыя страны приходят.Да иже ся тех държит, тьи изыдет на свет.А на десно - горы высоки, и велики стремнины, и осколе сквозе горы,
имуще в собе несъглядаема жива, и озера полна змиев, и инии змиеве." И сице написав Александр на столпе том, отъиде, хотя воевати
Индейскую землю, иже бо приим взъвещение от птица. явльшагочсся ему.И шедшим нам днии много сквозе темная места,
выидохом на свет въслед кол.

                               ОКОНЧАНИЕ ПУТЕШЕСТВИЕ АЛЕКСАНДРА МАКЕДОНСКОГО С ВОЙСКОМ В ИНОМИРЬЕ.
promo gilliotinus february 18, 2016 07:20 61
Buy for 10 tokens
Доброго времени суток, уважаемый пользователь! Этим постом мы начинаем знакомство с уникальнейшим документом давно минувшей эпохи (название его в заголовке статьи) Сам материал не каждому, возможно, будет "по зубам", но как говорит Спаситель, "царствие Божие достигается…